ബയോഗ്യാസ്‌

നമ്മുടെ വീടുകളില്‍ ദിവസേന വളരെയധികം ജൈവ മാലി ന്യങ്ങള്‍ ഉണ്ടാകാറുണ്ട്. എന്താണ് ജൈവ മാലിന്യം? പഴം,  പച്ചക്കറി , മത്സ്യം, മാംസം തുടങ്ങിയവയുടെ അവശിഷ്ടങ്ങള്‍.    അതെവിടെയെങ്കിലും കിടന്നു ചീഞ്ഞു നാറി നമുക്കുതന്നെ ബുദ്ധിമുട്ടുണ്ടാക്കുന്നു.  ചിലപ്പോള്‍ കാക്ക കൊത്തി കിണറ്റിലിടുകയും  ചെയ്യും.  എന്തുകൊണ്ട് നമുക്കത് പ്രയോജന പെടുത്താന്‍ കഴിയുന്നില്ല? എങ്ങിനെ നമുക്കത് പ്രയോജനപെടുത്താം?
നമുക്കതുകൊണ്ട് പാചക വാതകം ഉണ്ടാക്കാം. പാചകവാതകത്തിനും വിറകിനും ക്ഷാമ മുള്ളപ്പോള്‍ എന്തു കൊണ്ടും നമുക്കതൊരു സഹായം ആവുകയും ചെയ്യും. എങ്ങിനെ?
 അതിനു നമുക്കൊരു ബയോഗ്യാസ്‌ പ്ലാന്‍റ് വേണം. അതിനു ഏകദേശം 5000 മുതല്‍ ചിലവു വരും. ഗവണ്മെന്റ് സഹായവും പ്രതീഷിക്കാം. അതില്‍ നിന്നും ലഭിക്കുന്ന മീതേയിന്‍ വാതകം  ജ്വലന  ശേഷി ഉള്ളതാണ്. ദിവസവും നമ്മുടെ വീട്ടിലുണ്ടാകുന്ന ജൈവ അവശിഷ്ടം അങ്ങിനെ മണിക്കൂറുകളോളം  തീയായി  നമുക്കു ലഭിക്കും.
നമ്മള്‍ ഉദേശി ക്കുന്നതുപോലെ ചീഞ്ഞു നാറും  എന്ന് കരുതുകയേ വേണ്ട. ഒരുതരത്തിലുള്ള നാറ്റവും ബയോഗ്യാസ്‌ പ്ലാന്റില്‍ നിന്നും ഉണ്ടാകുന്നില്ല. കൂടാതെ അതില്‍ നിന്നും സസ്യങ്ങള്‍ക്ക് പ്രയോജന മായ ഒരു ദ്രാവകവും ലഭിക്കും. കുറച്ചു വെള്ളം ചേര്‍ത്ത് നേര്‍പ്പിച്ചു ചെടികള്‍ക്ക് നല്‍കിയാല്‍, അവ തടിച്ചു കൊഴുത്തു വളരും. അപ്പോള്‍ പ്രയോജനം രണ്ടാണേ! 
ഒരുതരം ബാക്ടീരിയകളാണ് മാലിന്യത്തെ വിഘടിപ്പിച്ചു ബയോഗ്യാസ്‌ ആക്കി മാറ്റുന്നത്.

എന്റെ വീട്ടില്‍ അതൊന്നു ഞാന്‍ ഘടിപ്പിച്ചിട്ടുണ്ട്. മൂന്ന് വര്‍ഷമായി നല്ല നിലയില്‍ പ്രവര്‍ത്തിക്കുന്നു. നിങ്ങള്‍ക്കുമാകാം ഒന്ന്.