വില കൊടുത്തോ കൊടുക്കാമെന്ന കരാറിലോ ഏതെങ്കിലും സാധനമോ സേവനമോ ഉപയോഗിക്കുന്ന ആള് ഉപഭോക്താവാണ്. ഉപഭോക്താവിന് പല അവകാശങ്ങളും ഉണ്ട്. അത് പക്ഷെ എല്ലാവര്ക്കും അറിയുകയുമില്ല! അവകാശങ്ങള് എന്തൊക്കെ?
- സുരക്ഷക്കുള്ള അവകാശം.
- ഉല്പന്നം അല്ലെങ്കില് സേവനം സംബന്ധിച്ചുള്ള എല്ലാ വിവരങ്ങളും അറിയാനുള്ള അവകാശം.
- തെരഞ്ഞെടുക്കാനുള്ള അവകാശം.
- പരാതിപെടാനുള്ള അവകാശം.
- പരിഹാരം തേടുവാനുള്ള അവകാശം.
- ഉപഭോക്തൃ വിദ്യാഭ്യാസത്തിനുള്ള അവകാശം.
മുകളില് പറഞ്ഞ അവകാശങ്ങള് ലഭിക്കണമെങ്കില് ഉപഭോക്താവ് ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം.
- വാങ്ങുന്ന സാധനങ്ങള്ക്കുള്ള അല്ലെങ്കില് സേവനത്തിനുള്ള ബില്ല് ചോദിച്ചു വാങ്ങുക.
- അളവും തൂക്കവും ശരിയെന്നു ബോധ്യപ്പെടുക.
- ഇലക്ട്രോണിക് സാധനങ്ങളുടെ പ്രവര്ത്തനം ശരിയാണെന്ന് ബോധ്യപ്പെട്ടു വാങ്ങുക.
- പായ്ക്ക് ചെയ്ത സാധനങ്ങള് വാങ്ങുമ്പോള് ഉല്പന്നത്തിന്റെ പേര്, പായ്ക്ക് ചെയ്ത തീയതി, നിര്മാതാവിന്റെ / വിതരണക്കാരന്റെ പൂര്ണമായ മേല്വിലാസം, സാധനത്തിന്റെ തൂക്കം, ഭക്ഷണ സാധനമാണെങ്കില് കാലാവധി കഴിയുന്ന തീയതി പരമാവധി ചില്ലറ വില്പന വില എന്നിവ ഉണ്ടെന്നു ഉറപ്പുവരുത്തുക.
- "വിറ്റ സാധനങ്ങള് തിരിച്ചെടുക്കില്ല" എന്ന പ്രസ്താവന ബില്ലില് ഉള്പെടുത്തിയിട്ടില്ലെന്നു ഉറപ്പു വരുത്തുക.
പരാതിക്ക് കാരണമായ സംഭവം ഉണ്ടായ ദിവസം മുതല് രണ്ടു വര്ഷത്തിനുള്ളില് പരാതി സമര്പ്പിക്കാം.
കൂടുതല് വിവരങ്ങള് താഴെ പറയുന്ന മേല്വിലാസത്തില് നിന്നും അറിയാന് കഴിയും.
സംസ്ഥാന ഉപഭോക്തൃ തര്ക്ക പരിഹാര കമ്മീഷന്,
ശിശു വിഹാര് ലൈന്, വഴുതക്കാട്, ശാസ്തമംഗലം P . O .
തിരുവനന്തപുരം - 10
ടെലിഫോണ് : 0471-2725157
ഷാജി എസ്. വി.
