പ്ലാസ്റ്റിക്‌ എന്ന വിപത്ത് ?

പ്ലാസ്റ്റിക്‌ ഉപയോഗം കുറക്കൂ പ്രകൃതിയെ നമ്മുടെ ഭാവി തലമുറക്കായി സംരക്ഷിക്കൂ!
ഇന്ന് നമ്മുടെ ചുറ്റുപാടുകളില്‍ കണ്ണോടിച്ചാല്‍ എവിടെയും പ്ലാസ്റ്റിക്‌ അവശിഷ്ടങ്ങള്‍ മാത്രം. വളരെയധികം ദിവസങ്ങള്‍ നശിക്കാതെ നിലനില്‍ക്കാനുള്ള കഴിവാണ് പ്ലാസ്റ്റിക്കിനെ വില്ലനാക്കുന്നത്. മണ്ണില്‍ വീണു കിടക്കുന്ന പ്ലാസ്റ്റിക്‌ അവിടെയുള്ള ചെടികളുടെ വളര്‍ച്ച തടയുന്നു. ഓടകളിലും മറ്റും അടിഞ്ഞു കൂടുന്ന പ്ലാസ്റ്റിക്കാകട്ടെ വെള്ളമൊഴുക്ക് തടയുകയും വെള്ള ക്കെട്ട് കൊണ്ട് ഉണ്ടാകുന്ന മലിനീകരണത്തിന്  ഇടയാക്കുകയും ചെയ്യും. എന്നാല്‍ ഇതൊഴിവാക്കാനായി പ്ലാസ്റ്റിക്‌ കൂട്ടിയിട്ടു കത്തിച്ചാലോ! വിഷ വാതകമാണ് അന്തരീക്ഷത്തില്‍ വ്യാപിക്കുന്നത്. ഈ വാതകം  ശ്വസിക്കുന്നവര്‍ക്ക് മാരകമായ ക്യാന്‍സര്‍ തന്നെ ഉണ്ടാകാം. പ്ലാസ്റ്റിക്കി ന്റെ   ഉത്പാദന അവസരത്തില്‍  തന്നെ പലതരം മലിനീകരണം ഉണ്ടാക്കുന്ന വസ്തുക്കള്‍ പുറം തള്ളുന്നുണ്ട്. പലതരം സസ്യഭുക്കുകളായ ജന്തുക്കള്‍ പ്ലാസ്റ്റിക്‌ പുല്ലിനോടോപ്പം ഭക്ഷിക്കുകയും കുടലില്‍ തടസ്സമുണ്ടായി ചത്തുപോകുകയും ചെയ്യുന്നുണ്ട്.
പേപ്പര്‍ ക്ലിപ്പ് മുതല്‍ ബഹിരാകാശ യാനങ്ങള്‍ വരെ ഉണ്ടാക്കുബോള്‍ ഉപയോഗിക്കുന്ന ഒരു വസ്തുആണല്ലോ പ്ലാസ്റ്റിക്‌. അതിനു കാരണം മറ്റു പ്രകൃതിജന്യ വസ്തുക്കളെ അപേക്ഷിച്ച്    അവയുടെ ലഭ്യതയും വിലക്കുറവുമാണ് .  
തൊട്ടതും പിടിച്ചതു മൊക്കെ നമ്മള്‍ വാങ്ങുമ്പോള്‍ പ്ലാസ്റ്റിക്‌ കവറില്‍ ഇട്ടാണല്ലോ വാങ്ങുക. വീട്ടില്‍ നമ്മളതു പറമ്പിലേക്ക് വലിച്ചെറിയും. അങ്ങനെ കുന്നു കൂടുന്ന പ്ലാസ്റ്റിക്‌ പരിസ്ഥിതിക്ക് വരുത്തുന്ന കോട്ടം പറഞ്ഞാല്‍ തീരുന്നതല്ല. അതുകൊണ്ട് ഇന്നുമുതല്‍ പ്ലാസ്റ്റിക്‌ കവര്‍ വീട്ടില്‍ കൊണ്ടുവരില്ല എന്ന് നമുക്കോരോരുത്തര്‍ക്കും പ്രതിജ്ഞ  ചെയ്യാം.
സുര്യ പ്രകാശമേറ്റല്‍ നശിച്ചു പോകുന്ന തരം പ്ലാസ്റ്റിക്കിന്റെ ഉത്പാദനം പ്രോത്സാഹിപ്പിക്കുക, ഉപയോഗിച്ച പ്ലാസ്റ്റിക്‌ റീസൈക്കിള്‍ ചെയ്തു ഉപയോഗിക്കുക തുടങ്ങിയവ പ്ലാസ്റ്റിക്‌ പ്രകൃതിക്കു നല്‍കുന്ന ആഘാതം കുറക്കാന്‍ ഉപകരിക്കും.
എസ്. വി.  ഷാജി MSc(CS), B.Ed.